Германците ќе имаат уште една причина за дебата, дали новиот "ti" на BMW ќе може да му конкурира на „GTI" . Компанијата од Минхен го претстави BMW 128ti кој ќе ја заземе позицијата под моделот „M135i xDrive“.
За разлика од „M135i xDrive“ сега „128ti“ има околу 40 КС помалку, но погонот е само на предните тркала. Новото BMW 128ti ја исполнува низата помеѓу BMW 120i и BMW M135i xDrive и е позиционирано како чистокрвна машина за возење директно под врвниот модел на погон на четири тркала. Компактниот спортски автомобил со специјално подесена суспензија M Sport и заклучување на диференцијалот Torsen е постојано фокусиран на активно задоволство во возењето, а со тоа и на особено младата целна група, фокусирана на типичното задоволство при возење на BMW.
BMW 128ti ја оживува долгата традиција на BMW: кратенката „TI“ – подоцна „ti“ – од 1960-тите значи „Turismo Internazionale“ и се користи во особено спортски модели, од иконите BMW 1800 TI и BMW 2002 TI на BMW 323ti Compact и BMW 325ti Compact во 90-тите години на минатиот век.
Под хаубата се наоѓа 4 цилиндарски 2.0 литарски турбо-бенински мотор кој произведува 265 коњски сили. Поврзан е со 8 степен автоматски менувал, кој на овој автомобил му овозможува да развие од 0 до 100 км/ч за вкупно 5,1 секунди.
„BMW128ti“ има и други спортски адути, вклучувајќи и „M Sport“ суспензија, нема „xDrive“ погон и е за 80 килограми полесен од „M135i“. Тука се и „M Sport“ сопирачки и стандардните алуминиумски бандажи од 18 инчи со спортски Mishelin гуми.
„BMW128ti“ од регуларната верзија на Серија 1 се разликува по специјалните стилски додатоци на каросеријата и црвените детали кои го комплетираат спортскиот имиџ на овој автомобил, а сличен рецепт е применет и во внатрешноста на возилото.
Овој автомобил во продажните салони ќе пристигне во ноември, а во Германија ќе чини од 41.574 евра.
Следете не и на:
