Во февруари годинава премиерот на Северен Кипер, Ерсин Татар, на свечена церемонија го претстави моделот Gunsel, прв електричен автомобил од Кипaр.
Сега, овој целосно електричен автомобил ја доживеа светската саемска премиера на продукцискиот модел и тоа на саемот во Истанбул.
Автомобилот е целосно развиен од страна на Универзитот на Блискиот Исток (NEU), лоциран во северниот дел на Кипар. Целиот проект е воден од страна на Ирфан Суат Ѓунсел, а оттука и називот на овој автомобил.
За непречено производство потпишан е договор со 800 компании од 28 различни земји кои ќе бидат задолжени за снабдување со неопходните компоненти и материјали за производство.
Автомобилот со едно полнење на батериите може да помине 350 километри, а до стотка забрзува за 8 секунди. Инжинерите кои работеа на овој автомобили тврдат дека Gunsel ги задржува фабричките перформанси на батеријата и по поминати 300 илјади километри.
Сериското производство ќе започне веќе од следната година, а во првата фаза планирано е производство од 2 илјади автомобили. До 2025 година се очекува оваа бројка да изнесува 20 илјади годишно.
Следете не и на:
