Јужнокорејскиот SsangYong најави дека на 4 ноември ќе го претстави освеженото издание на втората генерација на најголемиот СУВ модел – Rexton. Моделот веќе се тестира во Скандинавија а за следната година е најавенo доаѓањето во салоните во Европа..
Првично моделот ќе се појави на пазарот во Кореја до крајот на годинава, а во европските салони се очекува во втората половина од 2021 година.
Сегашната генерација на Rexton е на пазарот од 2017 година, па сега е време на малите очекувани и нормални промени и подобрувања на моделот. Првите фотографии на SsangYong Rexton покажуваат комплетно изменет преден дел со поголема маска, светла, браник, како и дотеран заден дел со нови LED светла и хромирана лајсна.
Димензиски Rexton остана со истите димензии -4.850 мм. ширина – 1.960, висина – 1.825 и со меѓуоскиното растојание од 2.865 мм.
Во внатрешноста се најавени нови, подобрени детали, и модерен инфозабавен систем со графика која е во чекор со времето и практични за користење, со сите протоколи за AppleCarPlay и Android Auto поврзување. Ќе има и нов управувач и покравлиттени материјали.
Деталите за моторизацијата ќе бидат објавени на 4 ноември, но сигурно е дека Rexton ќе добие нови, позелени и поефикасни мотори, веројатно со задржување на сегашниот 2,2 турбидизелски мотор. Не се знае дали ќе има нешто поврзано со електрификација, но не е исклучено да има нешто поврзано со новите технологии.
Претходната, прва генерација се произведуваше цели 17 години.
