MotoGP шампионатот доаѓа уште поблиску до Македонија. Како што откриваат медиумите во Унгарија, од 2023 година една трка ќе се вози и во оваа земја. Позната е и локацијата, а тоа е во близина на Деберцин, кој е втор најголем унгарски град по Будимпешта.
Станува збор за целосно новата патека чија изградба почнува кон крајот на оваа година, а не се исклучува можноста во иднина тука да се одржуваат и трки од другите авто-мото шампионати.
“Благодарни сме на луѓето од MotoGP шампионатот што ја прифатија нашата понуда. Ќе направиме една модерна патека. Инвестицијата е секако голема, но убеден сум дека брзо ќе се исплати” изјави Ласло Палкович, министер во актуелната влада на Унгарија.
Со ова практично MotoGP шампионатот доаѓа најблиску до Македонија. Претходно најблиските трки се возеа во Италија, a во 2007 година имаше и трка во Турција.
Следете не и на:
