Во сојузната држава Аризона во САД дојде до историско судење бидејќи автомобил без возач (автономно возило) уби пешак, што е прва ваква сообраќајна несреќа досега. Автономниот автомобил на „Uber“ во текот на пробното возење удри пешак на неозначено место додека преминуваше улица и го уби.
Во тој момент возилото било управувано од компјутер, а на местото „бекап“ на возачот седела Рафаела Васкез.
Истрагата покажала дека софтверот на „Uber“ во автономното возило не го препознало пешакот односно компанијата ја исклучила автоматската кочница, која се активира во непредвиливи ситуации, и дека се потпрела на „совозачот“.
Меѓутоа, Васкез била сигурна во компјутерот кој управувал со автомобилот и во текот на возењето гледала серија на својот паметен телефон, па не стигнала да реагира кога пешакот се појавил на улицата туркајќи велосипед.
Следете не и на:
