Игор Стефановски одлично го почна тркачкиот викенд во TCR Italy искачувајќи на пиедесталот на првта трка возена на патеката Имола. Ова е најдобриот пласман за нашиот возач сезонава во TCR Italy, со што го зацврсти 6. место во генералан пласман.
Победник на трката беше Кевин Чекон, а Стефановски по одличниот старт веднаш се искачи едно место горе, и по првиот свиок влезе како третопласиран. Неколку минути остана на таа позиција иако имаше силен притисок од Евгени Леонов кој во квалификациите беше подобар, но имаше лош старт.
Откако лидерот и освојувачот на пол позицијата, Микел Аскона имаше технички проблеми со автомобилот мораше да оди во боксот, а тоа му овозможи на Стефановски да биде второпласиран, а Чекон да го преземе водството.
Следните неколку кругови беа напорни за Стефановски кој повторно беше под притисок на Леонов и му „дишеше во врат“ обидувајќи се да го престигне. Нашиот возач сето тоа не само што го издржа туку набрзо „додаде гас“ и направи разлика од неколку секунди која остана до крајот на трката.
Следната трка повторно на Имола се вози утре.
