Fiat ја комплетира понудата на својата нова Grande Panda. По електричната и хибридната верзија, во игра влегува и класичниот бензински модел. Со ова, иконата на италијанскиот производител повторно се наметнува како симбол на пристапна мобилност за секого.
Три погони, еден симбол
Бензинец: 1.2-литарски турбо мотор со 100 КС и 6-брзински мануелен менувач, со Start&Stop систем за поголема ефикасност.
Хибрид: 110 КС, 48-волтен систем и електрифицирана двојна спојка.
Електричен модел: 44 kWh батерија и електромотор со 113 КС – за тивко и нулта-емисија возење.
Под 20.000 евра – вистински best-buy
Најважната вест е цената: Grande Panda со бензински мотор започнува од 18.990 евра. Во време кога повеќето нови автомобили се далеку поскапи, Fiat успеа да ја задржи својата традиција – да понуди многу автомобил за релативно малку пари.
Хибридот стартува од 19.990 €, додека електричната верзија чини од 24.990 €.
POP, ICON или LA PRIMA?
Panda секогаш била автомобил со многу „личности“, а новата Grande Panda ја продолжува таа филозофија:
Pop – практична и достапна основа.
Icon – модерна и технолошка, со LED светла и голем екран.
La Prima – најлуксузната, со 17-инчни фелни, камери и врвна технологија.
Panda – повеќе од автомобил
Од своето деби во 80-тите, Panda е синоним за едноставност, доверливост и урбан шарм. Новата Grande Panda ја продолжува таа традиција, но со современ дизајн, просторен ентериер и интелигентни решенија за секојдневието.
Со своите кубусни линии, пиксел LED светла и препознатливото „PANDA“ лого на вратите, ова е автомобил кој не се обидува да биде премногу „премиум“, туку останува автентичен, пристапен и многу италијански.
