Германски Volkswagen се согласил да плати најмалку 1,26 милијарди долари за откуп на автомобили во САД и да им плати отштета на сопствениците на возила опфатени со аферата поврзана со емисијата на гасови.
Станува збор за автомобилите со 3.0 литарски мотори кои испуштаат повисоко ниво на штетни гасови од дозволеното. Доколку регулаторите не одобрат поправка на сите возила, сумата што може да ја плати компанијата може да скокне на повеќе од 4 милијарди долари.
Спогодбата со сопствениците треба да биде одобрена од суд во САД, сопствениците што ќе се решат за поправка ќе добијат отштета од 7.000 до 16.000 долари од Volkswagen, и компанијата ќе мора да плати уште 500 долари доколку поправките влијаат на перформансите на автомобилот.
VW во декември 2016 година се согласи да откупи 20.000 автомобили со трилитарски дизелски мотор, а се очекува да се поправат уште 60.000 возила. Сопствениците што ќе се решат за поправка ќе добијат отштета од 7.000 до 16.000 долари. Во случај на откуп на возилото, сопствениците ќе добијат уште по 7.500 долари на проценетата вредност на возилото.
Следете не и на:
