Volvo ја претстави новата генерација на својот SUV модел XC70, но наместо целосно електрично возило, шведскиот бренд избра plug-in хибридна верзија. Овој потег отвора прашања – дали Volvo ја забавува транзицијата кон целосна електрификација?
Новото XC70 е поставено на сосема новата SMA платформа, а изгледот го задржува препознатливиот „електричен стил“ на Volvo. Предниот дел има слепа решетка, LED светла, како и активна долна решетка што автоматски се отвора и затвора за подобро ладење на моторот и батеријата.
Од страна, XC70 делува елегантно, со скриени гумички на стаклата, безрамковни врати и прибирачки рачки. Масивниот заден дел има вертикални светла и големо Volvo лого во центарот на багажникот.
Димензии и опрема
Должина: 4.815 мм
Ширина: 1.890 мм
Висина: 1.650 мм
Меѓуоскино растојание: 2.895 мм
Тркала: 19 или 20 инчи
Моделот ќе биде достапен во нова боја наречена „Sandy Desert“, со што уште повеќе се нагласува SUV карактерот на возилото.
Минимализам во внатрешноста и до 200 км електричен опсег
Внатрешноста е изработена во типичен скандинавски минимализам, со доминација на едноставна централна конзола и голем мултимедијален екран. Физичките копчиња се сведени на минимум, а ќе биде достапно и безжично полнење за мобилни уреди.
Под хаубата се наоѓа 1.5-литарски бензински мотор со 120 kW, комбиниран со електромотор. Купувачите ќе можат да изберат помеѓу две батерии – LFP (литиево-железо-фосфатна) или NCM, при што максималниот електричен опсег е до 200 километри.
Почеток на продажба наесен. Преднарачките за новиот XC70 ќе започнат во август 2025, додека целосната продажба стартува во септември.
