Volkswagen уште во текот на летниот период најави дека планира да лансира електричен автомобил, ценовно достапен за повеќето луѓе.
Сега официјално е потврдена оваа намера, а се појавија и првите информации поврзани со овој автомобил.
- Advertisement -
“Народниот автомобил” на VW ќе чини нешто помалку од 20 илјади евра, изјави Михаел Јошт, директорот за производна стратегија на германскиот производител. Овој автомобил со едно полнење ќе има максимален домет помеѓу 220 и 250 километри, а ќе биде со пет врати и исто толку седишта.
Засега не е познат називот на овој автомобил, а првите концептни верзии се очекуваат да бидат претставени кон крајот на следната или почетокот на 2021 година.
