Добро е познато дека речиси сите глобални прозиводители на автомобили за потребите на одредени региони, а поаѓајќи од карактеристиките (социо-економски, културни…) на населението кое живее на тие региони, произведува и продава автомобили, исклучително развиени за тие региони.
Ако во Кина, купувачите се карактеризираат со таква специфичност да преферираат долги, лимузински автомобили, во Јужна Америка, пред се поради економската состојба се преферира мали и евтини автмобили.
Оттука многу производители како Volkswagen, Fiat, Citroen и други, на овој пазар продаваат нискобуџетни автомобили кои може да се најдат само во земјите од Јужна Америка.
Така на пример во Аргентина, Fiat има дури седум модели кои ги нема во Европа.
Да почнеме со оние кои се продаваат и на двата континенти. Тоа се моделите 500, 500X, Tipo, Doblo како и Ducato.
Но во Аргентина, Уругвај, Бразил и останатите земји од Јужна Америка, ќе го сретнете и малиот автомобил Uno Way кој всушност е замена за Panda. Тука е малиот седан Fiat Cronos како и хечбекот Argo кој во Европа би се позиционирал во истиот сегмент како и Punto.
Тука би го вбројале и моделто Mobi кој всушност е со идентичен дизајн како и Argo, но со многу поголем клиренс. Понудата на Fiat во Јужна Америка ја сочинува уште моделот Toro, Strada и Fiorino.