Минатата 2019 година заврши со продадени 85 милиони нови возила што е за 4,2% помалку споредбено со 2018 година.
Иако во 2019 година продажбата на нови возила во Кина забележа пад од 8,7%, сепак во оваа земја се продадени 25.133.264 нови возила минатата година што ја прави земја со најголема продажба.
Точно 17.076.017 нови возила се продадени во САД што го прави втор најголем пазар за минатата година. На третата позиција со продадени 3.596.973 нови возила е Германија што воедно е и најголем пазар во Европа.
Индија е вториот најголем пазар во Азија и четврти во глобални рамки. Минатата година во оваа земја се продадени 3.105.409 нови возила што претставува пад од 7,4% споредбено со 2018 година. Веднаш зад Индија е Јапонија со продадени 2.825.602 нови возила.
Најголемиот јужноамерикански пазар е Бразил каде минатата година се продадени 2.658.646 нови автомобили. Во топ 10 најголеми пазари се наоѓаат уште и Велика Британија, Франција, Канада и Италија.
Следете не и на:
