Ако летово патувате на одмор преку Хрватска, добро е да ги знаете правилата на патиштата — бидејќи казните се строги и може скапо да ве чинат. Ви ги претставуваме најчестите прекршоци и казните кои се движат и до 2650 евра, па дури и затвор!
Летните одмори се во полн ек, а патувањата кон морето се неизбежни. Но, покрај полниот резервоар и багаж, не заборавајте да го спакувате и вашето знаење за сообраќајните правила во Хрватска. Во продолжение, ви ги издвојуваме најчестите прекршоци што ги прават возачите — некои и несвесно — за кои следуваат високи казни, па дури и забрани за возење.
🚫 Најтешки прекршоци – и до 2650 евра или затвор
Возење во спротивен правец: Ако се движите по лента наменета за возила во спротивен правец на автопат или брза патека, следува казна од 1320 до 2650 евра или до 60 дена затвор, плус забрана за возење до 12 месеци и казнени поени.
Прекумерна брзина:
Во населени места, ако возите повеќе од 50 км/ч над дозволеното, казната е до 2650 евра или затвор.
Од 30 до 50 км/ч повеќе – 390 до 920 евра,
Од 20 до 30 км/ч – 130 евра,
До 20 км/ч – 60 евра,
До 10 км/ч – 30 евра.
Надвор од населено место:
10–30 км/ч повеќе – 60 евра,
30–50 км/ч – 260 евра,
Повеќе од 50 км/ч – 660 до 1990 евра.
🚦 Непочитување на раскрсници и светлосна сигнализација
Проаѓање на црвено светло без забавување може да ве чини до 2650 евра или затвор, плус забрана за возење и до шест казнени поени.
Непочитување на предност во раскрсници: 390 до 920 евра + можност за забрана за возење (повторување = строги мерки).
🚗 Непрописно претекнување и обиколување
Претекнување во непрегледни делови, пешачки премини, тунели, мостови – казни од 30 до 920 евра, со можност за забрана за возење и поени.
🚶♂️ Почит кон пешаците
Ако не запрете пред пешачки премин кога е обврзно – казна од 390 до 920 евра и казнени поени.
🚨 Опасности во тунели и на заштитна лента
За стопирање или вртење во тунел, казна до 360 евра.
Возење по заштитна лента на автопат – 260 евра.
🍺 Алкохол, дроги и неспособност за управување
Професионални и млади возачи мора да имаат 0,0 промили. За останатите – до 0,5 г/кг е дозволено.
Над дозволеното:
До 0,5 г/кг – 80 евра,
0,5–1,0 г/кг – до 660 евра,
Над 1,0 г/кг или под дејство на дроги/лекови – до 2650 евра или затвор.
Исто така, следи забрана за управување и казнени поени.
📱 Мобилен, појаси и отворање прозорци
Користење мобилен телефон без hands-free – 130 евра.
Некористење сигурносен појас – исто така казни.
Ако го напуштите автомобилот со отворени прозорци, отклучен или со клучот внатре, следува казна од 30 евра.
Исто толку чини и ако возите со отворен гепек, ако од него висат предмети или се покрива регистарската табличка.
