Веќе неколку години по ред во германскиот парламент се отвора дискусијата за воведување на максималната брзина на автопатиштата особено на оние делници каде во моментов нема поставено лимит. Засега повеќето сметаат дека не треба да има ограничување, но бидејќи почнува дебата сигурно ќе продолжат притисоците.
И годинава, главни протагонисти на оваа идеја се “Зелените” – опозициона политичка партија која активно работи на полето на екологијата и безбедноста.
Иако оваа точка не е дојдена на дневен ред за гласање, се чини истата однапред е осудена на неуспешност откако владеачката коалиција предводена од партијата на Ангела Меркел се противат на оваа идеја.
Главно барање е ограничување на брзината на сите автопатишта, вклучувјаќи ги и оние каде сега нема лимитираност на максималната брзина, на максимални 130 км/ч.
