Германија ќе формира нова организација за тестирање на емисијата на издувни гасови кај автомобилите со цел да се врати довербата на купувачите по скандалот со Volkswagen групацијата и дизелгејт аферата. Според германскито министерство за транспорт, новиот институт ќе вклучува луѓе од организацијата на потрошувачи, локалните власти и групите за заштита на околината, исто како и членови од министерствата и автомобилската индустрија. Тоа би било со цел тестирањата да бидат потранспарентни и поверодостојни.
Одговорните од KBA кои му реферираат на министерството за транспорт и досега ги надгледуваа тестирањата на возилата ќе остане одговорно за лиценцирање на нови модели.
Според министерството, новиот институт ќе тестира околу 70 модели во текот на годината во реални услови, а не во лабораториски, и сите резултати во однос на емисијата на гасови и потрошувачката ќе бидат јавни за да може купувачот да направи споредба.
Се напоменува дека во моментов не се зема предвид дали возилото има вклучено клима или радио, и не се зема предвид стилот на возење, а сето тоа влијаа на потрошувачката на гориво.
