Ако мислиме дека во сообраќајот има најмногу „бесни“ возачи кои ги управуваат своите возила со поголема брзина од предвидената, сосема спротивна вест доаѓа од Битола.
Таму МВР во текот на еден ден кога спроведе засилени сообраќајни контроли „фати“ дури 40 возачи што управувале без возачка дозвола. Тоа е многу повеќе во однос на оние што возеле со поголема брзина од дозволената.
Изречени биле вкупно 233 санкции, меѓу кои 27 за измината важност на сообраќајната дозвола (нерегистрирани возила) а 34 за пречекорување на брзина.
По Гостивар и Куманово кои имаа над 60 казнети возачи за само 1 час, сега новиот неславен рекордер е Битола. Таму полицијата напиша 90 казни за само 1 час контролирање на сообраќајот.
Засилените сообраќајни контроли продолжуваат и во наредните денови. Апелираме граѓаните да ги почитуваат сообраќајните правила и прописи за да ја зголемиме безбедноста во сообраќајот.
Следете не и на:
