Новата серија на BMW 1 и дел од нејзините возила произведени во периодот од 25 јануари 2020 до 12 март 2020 имаат проблем со воздушните перничиња. Овие сопственици се, или ќе бидат контактирани во врска со одење на сервис за да биде отсранет проблемот.
Според потврденото предупредување од Германија, станува збор за модели кои исто така се продадени и во Ирска и во Полска.
Во образложението од страна на Европската комисија се вели: „Воздушното перниче на возачот може да биде оштетено за време на активирањето и може да не успее доволно да се надува. Ова ќе го наруши неговиот ограничувачки ефект, зголемувајќи го ризикот од повреда.
Покрај тоа, возачот може да биде повреден од топлите гасови што протекуваат од генераторот на воздушното перниче“.
