Трката меѓу полицијата и криминалците кои ги ограбуваат возачите и ги крадат автомобилите трае со децении, а доколку судите според итрината на крадците и решителноста на претстаниците на законот да им застанат на патот, јасно е дека сето ова ќе трае долго.
Кога ќе се земе предвид времето во кое живееме, сите веднаш помислуваат дека во тоа натпреварување користат софистицирана технологија и хакери кои по пат на компјутер ги отклучуваат суперавтомобилите.
Меѓутоа, работите не се секогаш толку комплицирани, а најновиот трик на кој полицијата предупредува докажува дека на крадците често им се доволно малку идеја и реквизит кој може да се купи во секоја трафика. Името, крадците ставаат празно пластично шише на десното тркало, каде возачот не може да го види, а потоа чекаат. Кога ќе го запалат возилото и ќе тргнат се слуша необичен звук кој доаѓа од дробењето на шишето.
Со оглед на тоа што не знаат за што се работи, првиот инстинкт говори да излезат од автомобилот и да погледнат што се случува. Во тој момент, крадците продолжуваат да го реализират својот план. Додека возачот го прегледува своето возило, крадецот има пристап на отклучениот автомобил, може да земе вредни работи од него или доколку возачот ги остави клучевите внатре и да го украде автомобилот.
Следете не и на:
