Со над еден милион и двесте илјади корисници и 35 милиони евра инвестиции во развој на сопствена мрежа која обезбедува целосна покриеност со 4Г ЛТЕ, телекомуникацискиот оператор Вип го прославува 10. роденден. Декада, за која операторот вели дека измина во континуирано градење на доверба со корисниците и исполнета со поттик за креирање на нови супериорни кориснички искуства.
Од Вип велат дека како компанија која секогаш нуди повеќе за своите корисници, ги реализираа и продолжуваат да ги реализираат ветувањата кон корисниците за слободна и неограничена комуникација во движење преку најсовремена мрежа, и тоа под најповолни услови.
На македонскиот пазар Вип од мобилен оператор израсна во конвергентен оператор со понуда во мобилната, фиксната телефонија, интернет и телевизиски услуги. Само во минатата година Вип инвестираше над 35 милиони евра во изградба на сопствената најсовремена 4Г ЛТЕ и 4Г + мрежа со која на корисниците им овозможува најбрз, квалитетен и стабилен пренос на податоци, како и најсовремена мобилна комуникација и повици со HD квалитет. Со над 750 базни станици низ целата земја, Вип овозможува покриеност на над 99,8% од населението.
“Изминатите 10 години за Вип значеа постојан раст и менување, период кој стана синоним за внесување промени на пазарот. Ја започна либерализацијата и воведе вистинска конкуренција која за корисниците донесе многу повеќе комуникација и тоа со најповолни услови. Посветеноста на постојаното градење доверба со нашите корисници го докажавме и со надградба на сопствената мрежа и воведувањето новини кои ја олеснуваат секојдневната комуникација. Продолжуваме понатаму со засилена динамика, иновативност и посветеност уште поинтензивно да им го овозможуваме на корисниците најповолното, најквалитетното и најиновативното од светот на телекомуникациите и тоа по најдостапни цени и супериорна услуга“, изјави Димитар Ковачевски, извршен директор на оне.Вип.
Роденденската понуда за постпејд резидентните и бизнис корисниците е најновата од низата на атрактивни понуди од портфолиото на Вип, која го исполнува даденото ветување – “Повеќе за вас”. Во знакот на десеттиот роденден, сите нови и обновени постпејд корисници на тарифните модели Vip Mobile L и Vip Family Hero добиваат промотивно 10ГБ супер брз 4Г интернет засекогаш.
“Нашето големо Вип друштво е модерно, динамично и брои над милион и двесте илјади корисници. Тоа е насекаде и секогаш е поврзано со нашата најсовремена мрежа. Горди сме што и овојпат овозможуваме многу повеќе за непречена комуникација на секој поединечно но и што можеме да дадеме голем придонес кон деловниот успех на голем број мали, средни и големи компании во земјава“, потенцира извршниот директор Ковачевски.
Паралелно со вложувањето во градењето на партнерски однос со корисниците, Вип и неговите вработени ја продолжуваат традицијата на обезбедување поддршка на спортот, културата, образованието и други проекти од интерес на пошироката заедница. Како пример за ова е поддршката на Македонската ракометна федерација со која Вип го продолжува своето долгорочно партнерство.
Следете не и на:
