Во отсуство на вистинските трки, раководството на TCR Europe реши да ги испроба возачките вештини на нивните натпреварувачи на виртуелни трки. Разликата е очигледна, но за да се тркате треба „добро да владеете со воланот“. Нашиот Виктор Давидовски додека го чека влегувањето во вистинската Honda покажа дека сезонава можеби ќе биде „негова“.
На патеката Золдер во Белгија тој триумфираше на TCR трката. Тоа беше втора трка на патеката во организација на TCR Europe a PPS Racing Тeam за кого вози Давидовски покажа целосна доминација. Триумфираше после 14 извозени кругови.
Претходната недела се возеа две трки во Италија, каде Давидовски го освои 5. и 9. место. Но, македонскиот возач постојано покажува дека има квалитет и пред се мотив за докажување.
Со нетрпение се очекуваат трките на асфалт, а дотогаш Давидовски ќе им набива страв на противниците.
Целата трка на која победи Давидовски можете да ја погледнете.
https://www.facebook.com/TCREurope/videos/3477075065636340/
