Турција веќе подолго време се обидува да создаде национален автомобил. Претходно, имаше неколку неуспешни обиди, но сега конечно успева да стигне до својата цел. Турските медиуми пренесуваат дека наскоро ќе се одржи премиерата и тоа на не било каков туку електричен автомобил.
За моделот нема многу информации. Она што неофицијално е познао е дека ќе располага со неколку батерии кои се полнат за половина час. Развојот на истиот е од страна на пет големи турски компании кои ги здружија силите во овој проект.
Премиерата на прототипот ќе се одржи во Коџаеле, а ќе присуствува и турскиот претседател Реџеп Таип Ердоган. Комерцијализацијата на автомобилот се очекува да се случи во 2021 година, а првите испораки на почетоко на 2022 година. До 2030 година се очекува компанијата во понудата да има пет модели, потврдува Гуркан Каракаш, првиот човек на оваа компанија.
