Доколку за долевање на бензин во вашиот автомобил сте потрошиле сума од 50 евра, дали знаете колку максимум километри ќе имате можност да поминете? Тоа секако меѓудругото зависи од земјата во која возите и од цената на бензинот.
Сепак, нема потреба да пресметувате бидејќи одговорот го даде британската осигурителна компанија Veygo.
- Advertisement -
Претставниците на оваа компанија ги анализираа цените на гориво во 50 земји и пресметаа колку километри може да се мине со бензин за сума од 50 евра и тоа при возење на автомобил, Ford Fiestа.
Според истражувањата најевтиниот бензин го имаат жителите на Иран (0,24 евра по литар) што значи дека со 50 евра може да се купат преку 200 литри бензин и со Ford Fiesta може да се минат 3.386 километри.
