По завршувањето на првиот квартал од годинава Toyota објави дека нивната нето годишна добивка е намалена првпат за пет години, уште повеќе и поради се посилниот јен. Во фискалната година што заврши на 31 март овој јапонски производител оствари нето добивка од 16 милијарди долари (1.830 милијарди јена). Приходите се намалени на 27.600 милијарди јени.
Лани Toyota ја загуби титулата на најголем производител на автомобили во светото по бројот на продадени возила, и во последната фискална година се продадени 10,25 милиони возила, во однос на 10,19 милиони една година претходно.
На клучниот пазар во Северна Америка продажбата е задржана на исто ниво, а зголемување има во Европа, Јапонија и остатокот од Азија. Пад на продажбата имало во Централна и Јужна Америка, Африка и на Блиски Исток.
Минатите години јапонските производители имаа корист од остриот пад на јенот, па така тие возила во странство беа поевтини и го зголемува остварениот приход.
Лани јенот засилено зајакна, по референдумот на Британците за излез од ЕУ, а се засили и по победата на Доналд Трамп.
