Во третиот квартал од годината биле купени 139.300 автомобили од компанијата Teslа што е нов рекорд, соопштуваат од компанијата на Елон Маск. Резултатите ги надминуваат прогнозите, кои предвидуваат од јули до септември да бидат продадени 134.700 електромобили.
Од почетокот на годината компанијата Tesla пласирала 318.000 возила. Тоа значи дека за да се постигне поставената цел од Маск за цела година од 500.000 примероци ќе треба да се реализираат уште 182.000 возила. Во спротивен случај се очекува негативен ефект над квотите на акциите.
Производството во третиот квартал се зголемило за 76% до 145.000 електромобили во споредба со април-јуни. Резултатот е споредлив со индикаторите пред пандемијата од коронавирусот и затворањето на фабриката во Фримонт.
Според пазарните аналитичари основната заслуга за порастот ја има фабриката на Tesla во Шангај која беше отворена во јануари.
Следете не и на:
