Производителот на автомобили Mercedes-Benz свесно инсталирал софтвер за заблуда во дизел возилата, одлучи германскиот суд, отворајќи ја вратата за сопствениците на возила да тужат за отштета.
Пресудата се уште не е правосилна, a Mercedes планира да ја оспори пред повисок суд.
Аферата „Дизелгејт“ избувна во септември 2015 година кога американската агенција за животна средина ЕПА ѝ откри на јавноста мамењето на Volkswagen при тестовите на издувните гасови. Скандалот потоа се прошири и на други производители.
Тужбата против Mercedes е поднесена во 2021 година од германската организација на потрошувачи VZBV, пренесува француската новинска агенција АФП. Со него сакала да обезбеди обештетување на сопствениците на возила со лажна опрема.
Во него се споменуваат неколку модели на Mercedes од сериите GLC и GLK, кои подоцна исто така беа повлечени.
Судот во Штутгарт денеска прифати дел од обвинувањата на VZBV. Во својата пресуда, судот наведе дека вработените во Mercedes намерно вградиле несоодветна опрема во одредени модели на возила, притоа отфрлајќи ги пријавите за други возила.
Организацијата VZBV, која застапуваше повеќе од 2.800 тужители, ја поздрави пресудата, а Mercedes најави жалба.
Следете не и на:
