Недостатокот на законски регулативи и прописи во однос на електричните тротинети и велосипеди дефинитивно не е карактеристично за Франција. Оваа европска земја е една ретките која законски го има регулирано користењето на овие алтернативни средства.
Токму во однос на регулацијата на користењето на електричните велосипеди и казнените одредби од истиот закон привлекоа големо внимание како кај француската така и кај светската јавност.
Така во овој закон се наведува дека сопственик на електричен велосипед може да добие казна и до 30 илјади евра или три години казна затвор. Ова се однесува на оние сопственици кои имаат направено преработка на своите електрични велосипеди со цел да достигнат поголема брзина. Овој закон и овие казни покрај сопствениците ги опфаќа и дистрибутерите и продавачите на истите за кои ќе се докаже дека правеле такви модификации.
Максималната брзина на електричните велосипеди е 25 км/ч, па за секое надминување на истата следи парична казна.
Следете не и на:
