Откако минатата година Kia ја претстави новата генерација на Ceed и ProCeed изведбата, кон крајот на 2018 година беше потврдено и доаѓањето на новиот мал градски SUV кој произлегува од Ceed моделот.
Иако изминатите месеци беше фатен во јавност како се тестира, сега, AutoWeek објавува фотографија од немаскиран примерок од овој модел, некаде на патиштата низ Германија.
Како што може да се види од фотографијата, дизајнот во голема мера го следи дизајнот кај основниот Ceed модел, а видно повисокиот клиренс го задава SUV карактерот на овој модел.
Овој модел на пазарот ќе се појави до крајот на годината како конкурент на Ford Focus Active, Subaru XV, VW Golf Alltrack и VW T-Roc, а ќе се продава на глобалниот пазар каде е застапен брендот на Kia.
XCeed ќе ги има истите мотори како и основната изведба на Ceed, а според пишувањата ќе добие и електифицирана изведба која ќе се појави кон крајот на годинава, не подоцна од првиот квартал следната.
