Екипите на ЈП „Улици и патишта“ реализират пилот проектот за бележење на тродименизонални (3-Д) пешачки премини на повеќе локации низ градот како мерка за смирување на сообраќајот.
Тродимензионален (3-Д) пешачки премин е изведен на улицата „Борис Сарафов“ во општина Ѓорче Петров.
- Advertisement -
Овие пешачки премини создаваат оптичка илузија која ги тера возачите да ја намалат брзината на возилата.
Во рамките на овој пилот проект на ЈП „Улици и патишта“, 3-Д пешачки премин беше изведен на улицата „Самоилова“ кај Музејот на современа уметност, а во наредниот период ќе се бележат и други локации низ градот кои се посочени како црни точки.
