Компанијата SKODA Auto објави дека ја обновува производствената дејност во Чешка на 27 април откако воведе специјален план и услови за создавање на оптимално безбедна работна средина за своите вработени.
„Производството во нашите три фабрики во Чешка беше прекинато на 18 март. Тоа беше правилна одлука за да се преземе драстична акција за да се заштитат сите. Сепак, сега дојде моментот да почнеме да гледаме напред и одново го правиме тоа со оптимизам. Дилерите на Skoda во Европа постепено почнуваат да функционираат и со успешно рестартирање на производството ние го правиме следниот важен чекор кон тоа одново да бидеме во ситуација да направиме меѓународни доставувања кон пазарите“, вели извршниот директор на Skoda Auto, Бернард Мајер.
За рестартирањето на производствените дејности од Skoda Auto веќе имаат разработен план со 80 точки. Дел од нив се за задолжителната употреба на заштитни маски, дезинфекција на работната средина, периодични брифинзи со работните смени и друго.
Од компанијата исто така коментираат дека етапно и во три фази овие дополнителни мерки за внимателност ќе бидат намалени додека не се постигне ситуацијата пред кризната ситуација.
Следете не и на:
