Стилизираната буква “H” во овален амблем на Hyundai не е едноставно само првата буква од името на брендот. Практично логото е слика на двајца мажи коишто се ракуваат, тврди автомобилскиот портал Jalopnik.
Откритието го направил новинар на овој поратал, додека истражувал на веб страната на автомобилскиот производител од Кореја. Во делот “About Us” имало текст во кој имало објаснување за логото кое ја симболизира врската меѓу компанијата и клиентот.
Пред да се утврди како производител во Hyundai не биле сигурни околу логото со буквата „Н“ за да не влезат во проблеми со Honda и притоа клиентите да не ги мешаат двата бренда. Затоа кон крајот на 70-тите години на минатиот век компанијата имала сосема друго лого.
Со тек на времето познатото лого станува препознатливо заедно со чудното корејско име. Значењето на „Н“ дури сега станува вистински јасно за секој вљубеник во автомобилите.
