Ако во својата гаража имате Bugatti Veyron тогаш имате уште три авиони, неколку јахти и над 80 автомобили во својата колекција. Ваква информација донесоа статистичките податоци кои се појавија пред четири години. Сега има нова статистика, а таа се однесува на новото Bugatti Chiron.
Веќе се објавени вестите кои покажуваат што поседуваат во својата колекција сопствениците на ова ново возило. Според истражувањата еден типичен купувач на Bugatti Chiron е на средна возраст и најчесто е од САД, Обединетите Арапски Емирати, Јапонија или Европа. Неговата колекција содржи околу 30 автомобили, јахта и сопствен авион.
