Шпанскиот производител на автомобили, SEAT објави дека моделите Arona и Ibiza ќе добијат нов дигитален кокпит, кој ветува дека ќе понуди разновидност и можност за персонализација на информациите што се дадени на контролната табла со информации.
После Leon и Ateca,и идните сопственици на SEAT Arona и Ibiza ќе добијат можност да сметаат на работата на новиот електронски борд систем, кој располага со 10,25-инчен програмски дисплеј (1280×480). Тој му дава можност на возачот, но и на другите патници, да добиваат визуелни податоци од стандардните уреди за мерење како за брзината, така и за бројзачот за вртежи. Има и слики од системот за навигација и друго.
Дигиталниот кокпит на SEAT ќе нуди работа во три основни режими – Classic, Digital и Dynamic View, а секој од нив може да биде персонализиран дополнително, со можност за приказ на податоци од системот за навигација, аудиосистемот, побрзан мобилен телефон, активни асистирачки системи, актуелна состојба на автомобилот и други.
Системот на шпанскиот бренд исто така овозможува и складирање на кориснички интерфејси, а секој од трите основни режими поддржува до три персонализирани екрани.
