После објавувањето на годишните резултати од SEAT открија и детали во однос на натамошниот развој на компанијата и на нејзината продуктивност. Од SEAT ветуваат дека до 2020 година фирмата ќе пушта по еден нов модел на секои шест месеци, а првите две нови предложенија ќе бидат целосно новото Tarraco и CUPRA Ateca, кои ќе бидат лансирани на пазарот пред крајот на оваа година.
За следната година веќе се планира лансирање на пазарот на новата генерација на Leon и тоа во две верзии. Едната ќе биде со пет врати, а другата комби. Во 2020 година, пак, ќе биде видена првото целосно електрично возило во историјата на SEAТ.
Ова возило ќе биде изработено на база на модулната МЕВ платформа и ќе даде можност за поминување на 500 километри во чисто електричен режим. Исто така за две години ќе биде видена и новата генерација на Leon во хибридна верзија.
„Можеме да бидеме задоволни од резултатите за 2017 година, но не треба да сме задоволни. Сега е време да погледнеме кон иднината и да ги продолжиме амбициите за развивање“, вели претседателот на SEAT, Лука де Мео.
Следете не и на:
