Последниот примерок на Chevrolet Lacetti излезе од производната лента во фабриката UzAuto Motors во Узбекистан. Седанот претходно се правеше и се продаваше на многу места низ светот, а беше релативно популарен и кај нас.
Последниот модел што излезе од производната лента го има сериски број 487.104. Седанот е обоен во црно и е опремен со 1,5-литарски атмосферски бензински мотор со моќност од 107 КС.
Колата има загреани седишта, клима, две воздушни перничиња, ABS, серво волан. Има и независна задна суспензија и диск сопирачки. Цената на автомобилот е 168 милиони суми (околу 13.300 долари).
Моделот Lacetti е на производна линија во фабриката во Узбекистан речиси 15 години. Сепак, на 26 јули 2024 година, неговата приказна заврши. Потсетуваме дека Chevrolet Lacetti излезе на пазарот во 2002 година и се произведува во погони во 12 земји низ светот.
Следете не и на:
