Откако пред само неколку недели се појавија првите тизер фотографии, чешкиот прозиводител го претстави и првото тизер видео од RS изведбата на Kodiaq.
Во 26 секундното видео се прикажани неколку моменти од производствениот процес како и неколку екстериерни детали, без при тоа да се откријат информации поврзани со техничките способности на најмоќниот SUV во понудата на Skoda.
Од она што го пренесуваат медиумите, RS моделот ќе располага со 2.0 литарски битурбо TDI мотор со 240 КС и 500 Nm, ист мотор кој се користи и кај VW Tiguan и VW Passat. До 100 км/ч ќе забрзува за 6.5 секунди, а распоалга со погон на сите тркала, вграден DSG менувач како и дополнителна опрема која вклучува збогатен пакет за аеродинамичност, збогатена опрема за безбедност и асистенција во возењето како и нов, спортски издувен систем.
Премиерата на овој модел е закажана за претстојниот саем за автомобили во Париз кој започнува на почетокот на октомври, а германските медиуми во недостаток на официјална потврда шпекулираат дека продажната цена ќе започнува од околу 46 илјади евра.
