Нема информација дали е поради лошите добавувачи, но сите што купиле нова Opel Corsa во перидот од 25 септември до 30 декември 2019 година добро е да проверат дали и кај нив е потребна интервенција. Производителот објави повик за сервисирање на модели произведени во овој период.
Причината е што „столбот на управувачот не се произведува според спецификациите. Ова може да предизвика откажување на управувањето и да доведе до губење на контролата над возилото, зголемувајќи го ризикот од несреќа“, се вели во објаснувањето.
Ако и вашето возило се наоѓа на списокот на автомобили тогаш сервисирањето ќе биде бесплатно. Фабриката веќе ги контактирала сопствениците за кои со сигурност се знае дека се опфатени со акцијата.
Се работи за возила произведени во Шпанија, а предупредувањето е издадено од страна на Германија.
