Само попустите може да ја зголемат, а со тоа и нормализираат продажбата на нови автомобили, смета еконoмистот Чарли Смок. Во март и април продажбата на нови автомобили во САД, Кина и другите земји забележа рекорден пад, а во април во Индија не беше продаден ниту еден нов автомобил. Сето ова значително ги погоди производителите кои се најдоа во големи финансиски проблеми.
Од друга страна, значителен дел од населението остана без работа, а голем дел исплашени од неизвесноста во овој период не ни планираат да ги инвестираат парите во нов автомобил.
Експертите сметаат дека намалувањето на цената на новите автомобили проследено со субвенционриање на купувањето нови автомобили од страна на државата како и поволните услови за лизинг е она што треба да го очекуваме веќе во втората половина од годинава.
Неизвесно е каква ќе биде ситуацијата во Македонија со продажбата на нови возила во Македонија. Во недостаток на официјални податоци околу бројот на продадени возила или пак увезени, само може да се претпостави околу падот на продажбата. Засега има само понуди за автомобилски кредити кои се со релативно ниски камати во споредба со порано, но се уште не е заживеано купувањето на возила на кредит. Ниту условите се нешто олабавени ниту пак има најави за некое субвенционирање на продажба на нови возила. То секако се одразува на вкупната продажба.
Повеќе компании најавија преструктурирање па и најава з анови понуди кои би требало да ја засилат потрошувачката… Но, дотогаш..
Следете не и на:
