По шест години на пазарот, актуелната генерација на Toyota Corolla е при крај на животниот век, и јапонскиот производител веќе работи на нова генерација. Неговото деби е закажано за 2026 година и освен што ќе понуди еволуирана хибридна варијанта, ќе има и нова plug-in хибридна опција која има за цел да понуди 2.100 километри автономија!
Јапонскиот магазин Best Car објави неколку инсјадерски информации за 13-тата генерација на Corolla. Како и секогаш, моделот ќе биде достапен во различни каросериски стилови: компактен, караван и седан.
Изданието наведува дека дизајнот ќе ја нагласи „неговата ниска висина“, работејќи на неговата форма за да ја подобри аеродинамиката и со тоа уште повеќе да ја намали потрошувачката на гориво. Тоа, исто така, укажува дека новиот Prius ќе биде естетска инспирација за автомобилот, усвојувајќи многу тесен довод на воздух, како решетка, и уште еден поголем на браникот.
Best Car објаснува дека на некои пазари ќе има бензинска Corolla, со 130 КС. Влезната моторизацја ќе биде 1,5-литарски атмосферски мотор. Истиот мотор ќе се користи и во хибридната варијанта HEV, но со 100 КС.
Во моментов има две хибридни модели на Corolla, една со 140 и една со 196 КС. Првиот користи 1,8-литарски мотор со 98 КС, плус електричен агрегат од 95 КС. Најмоќниот, пак, има 2-литарски мотор со 152 КС, плус електричен агрегат од 113 КС.
Сепак, на механичка страна, големата новина ќе биде новиот PHEV систем, како што споменавме претходно. Овој погонски агрегат ќе се базира на оној на Prius, кој исто така неодамна беше усвоен од C-HR.
Целта на инженерите е да се соочат со Кинезите за една важна точка: енергетската ефикасност. BYD штотуку ја претстави петтата генерација на својот plug-in хибриден систем и тврди дека постигнал ефикасност од 46,06%, што им помага на автомобилите да надминат 2.000 km автономија.
Ако новата Toyota Corolla го следи распоредот и дебитира во Јапонија во 2026 година, можеме да ја очекуваме 13-тата генерација во Европа некаде во 2027 година. Се разбира, автомобилот ќе има тежок предизвик да се совпадне со огромниот комерцијален успех на сегашниот модел.
Следете не и на:
