Цените на нафтата паднаа во раната азиска сесија, бидејќи оптимизмот за брзо закрепнување на побарувачката на гориво избледени како резултат на порастот на новите случаи од „Ковид-19“. На ова се додава и прогнозата за дополнителна понуда што најверојатно ќе се случи откако либиската државна нафтена компанија напредува во разговорите за продолжување на извозот.
Падот на цената доаѓа по вчерашниот оптимизам, кога обете типови на нафта, WTI и Брент се зголемија за скоро еден долар. Оптимизмот во понеделникот се засноваше на силниот раст на продажбата на домови во САД што инвеститорите го толкуваа како сигнал за иден раст на глобалната побарувачка на гориво.
Но, во исто време, случаите на коронавирус продолжуваат да растат во јужниот и југозападниот дел на САД. Новите податоци за потрошувачка на нафта, собрани од Американскиот институт за нафта, се очекуваат денес, а официјалните бројки на владата ќе бидат објавени во среда.
Прелиминарната студија на Ројтерс покажа дека аналитичарите очекуваат залихите на сурова нафта во САД да паднат од рекордното ниво минатата недела, а залихите за бензин паднаа трета последователна недела.
Од страната на снабдувањето, инвеститорите гледаат дали Либија, која може да произведе околу 1% од глобалното снабдување со нафта, е во состојба да продолжи со извозот, блокиран од јануари, во текот на граѓанската војна во земјата.
Либиската Национална корпорација на нафта (NOC) соопшти во понеделникот дека напредува во разговорите со соседните земји за укинување на блокадата.
Следете не и на:
