Автомобил со потпис од рускиот претседател Владимир Путин е продаден за 20 илјади евра на добротворна аукција.
Станува збор за популарниот автомобил “Буба” на која Путин се потпиша за време на венчањето на австриската министерка Карин Кнајсел.
- Advertisement -
“Не беше наша, ја добивме само за венчањето и тој ден на гостите им кажавме дека сакаме да ја продадеме во добротворни цели” изјами министерката Кнајсел. Таа додаде дека Путин отсекогаш бил шармантен и е среќна што тој присуствувал на нејзината венчавка.
На свадбата која се одржа на 18 август минатата година покрај Владимир Путин на автомобилот се потпишаа и сите останати гости, меѓутоа потписот на Путин предизвика најголемо внимание.
