Концернот PSA развива нови модели во согласност со барањата на регулативите во САД, открива Лери Доминик, извршен директор на северноамериканското оддел на групата, за Auto Guide. Изјавата може да се смета за сигурна потврда на шпекулациите дека Французите размислуваат околу враќање на американскиот пазар, кое се засили по купувањето на Opel.
Според Доминик, во PSA постои 10 годишен план за прилагодување на опсегот на потребите и барањата на американските потрошувачи. Концернот веќе објави дека ќе лансира апликацијата Free2Move за телефони со оперативни системи iOS и Android, овозможувајќи им на корисниците да се споредат цените на алтернативни транспортни решенија како Zipcar, TravelCar или Car2Go. Услугата е ограничена на Сиетл, но подоцна ќе стане достапна низ САД.
Втората фаза од стратегијата на PSA е да започне услуга за заедничка употреба на автомобили. Заедно со Free2Move таа ќе им помогне на Французите да состават јасна слика за потребите и однесувањето на Американците, што би требало да ги заштеди од компликации и трошоците.
Следете не и на:
