PEUGEOT ги сподели првите фотографии од новиот концепт POLYGON, навестувајќи свеж дизајн и технологии што ќе ја дефинираат следната генерација модели на брендот. Главната ѕвезда во кабината е Hypersquare® – нова контрола со Steer-by-Wire која ветува побрзи реакции, повеќе прецизност и поинтуитивно чувство зад волан.
Како загревање пред целосното откривање, брендот отвора и сопствен виртуелен терен: POLYGON City – независно креиран Fortnite остров, дизајниран во соработка со Gameloft и инспириран од Hypersquare и кокпит-филозофијата на PEUGEUT. Идејата е едноставна: фановите да „влезат“ во светот на концептот пред физичката премиера и да го искусат духот на идните PEUGEOT кокпити на забавен и интерактивен начин.
POLYGON визуелно ја заострува новата француска ДНК на брендот: мускулести пропорции, чисти линии и „мачкаст“ став, додека внатрешноста го надградува познатиот Panoramic i-Cockpit со поинаков распоред и повеќе простор. Целта е реално да се прикажат решенија блиску до сериска примена – од ергономијата и видливоста, до дигиталната архитектура и поврзливоста.
Во поширок контекст, PEUGEOT потсетува на тековната електрична офанзива (широка EV-гама, 8-годишни гаранции за батерија/возило, домашни и патни решенија за полнење) и на дигиталните новитети во целата линија (вклучително и интеграции со генеративни асистенти). Со POLYGON, брендот ја спојува естетиката, интерактивното искуство и применливата технологија – како тизер за она што следува на пат.
