Според новите идеи на Европската комисија, емисијата на CO2 кај автомобилите би морала да падне за 50 проценти до 2021 до 2030 година, а не за 37,5% како што беше претходно планирано.
На пазарот на автомобили во Европската унија се подготвуваат големи промени, а сигурно е дека просечниот возен парк односно застапеноста на автомобилите со мотори со внатрешно согорување и електрични автомобили како и plug-in хибриди значително ќе се смени.
Што конкретно значи ова? Многу повеќе plug-in хибриди и електрични автомибили во производството, кои емитуваат малку или се без CO2 во возење. Сепак, сигурно е дека Европската Унија ќе ја следи и вистинската потрошувачка на plug-in Хибриди за кои се сомнева дека возачите воопшто не ги полнат со струја и дека функцонираат како класични хибриди и емитуваат многу повеќе CO2 во реални услови.
Во 2030 година просечната потрошувачка кај новите автомобили би требала да биде околу две литри гориво на 100 километри или во просек 45 г/км CO2. Секако, тоа е невозможно да се постигне со автомобили опремени со класични мотори и веќе сега се прават калкулации во вкупната продажба на нови автомобили електричните возила во 2030 година ќе бидат 50 проценти.
Добрата вест за купувачите е дека се очекува просечниот електричен автомобил да чини како бензискиот или дизел моделите некаде околу 2025 година поради падот на цените на батериите.
Следете не и на:
