Поради пандемијата на коронавирусот, калденарот во Фoрмула 1 шампионатот претрпе многу измени. Беа откажани многу трки, а календарот претрпе бројни измени. Така сезоата започна на 3 јули со трката во Австрија, а во оваа земја се возеше уште една, една недела подоцна.
Сега официјално е потврдено дека 14-та трка сезонава ќе се вози во Истанбул, Турција од 13 до 15 ноември. Ова значи враќање на овој шампионат во Турција по 9 години односно 2011 година.
“Можеме да потврдиме дека Турција, Бахреин и Абу Даби (ОАЕ) добија место во нашиот календар и сакаме да се заблагодариме на напорите на сите наши парнтери кои овозможија да се возат оваа сезона 17 трки” изјави организаторот.
Покрај Турција во календарот се враќа и трката во Португалија која се вози од 23 до 25 октомври.
