Најголемите европски пазари бележат опоравување во поглед на продажбата на нови возила. Ова може да се заклучи по објавените продажни бројки за претходниот месец во Франција, Шпанија, Велика Британија, Германија и Италија.
Во Велика Британија е забележан пораст на продажбата од 11% и тоа во првиот месец по реотворањето на продажните салони.
Во Шпанија е остварен минимален пораст од 1,1% односно 117.929 примероци. Минимален пораст на продажбата има и во Франција од 3,9% додека пак во Италија продажбата и натаму е во пад. Така во јули е остварен пад од 11% споредбено со истиот месец минатата година. Пад на продажбата во оваа земја бележат речиси сите брендови и производители, а меѓу најголемите е оној на FCA од 9% со што италијанско-американскиот производител изгуби еден процент од пазарниот удел во оваа земја.
Иако се уште нема официјални податоци за Германија, во оваа земја се очекува пораст на продажбата.
Следете не и на:
