MG подготвува нов, пристапен електричен модел кој од 2027 година ќе стане директен конкурент на Renault 5. Именуван како MG 2, овој компактен електричен автомобил ќе ја заземе позицијата почетен модел во електричната понуда на MG – под MG 4 EV – и ќе биде дизајниран во Велика Британија, пишува Autocar.
MG 2 ќе биде дел од пошироката електрична офанзива на брендот, која веќе вклучува седум модели, меѓу кои новите S5 EV и S6 EV. Според изјавата на шефот на MG Motor UK, Дејвид Алисoн, премиерата најверојатно е „повеќе од една година далеку“, што го прави 2027 година реален термин за лансирање.
Не најевтин – туку најповолен по вредност
Иако многумина очекуваа дека MG ќе се позиционира како најевтин конкурент во сегментот, Алисoн вели дека тоа веќе не е стратегија на брендот:
„Нашето мото отсекогаш бил вредност, а не најниска цена. Не сакаме да бидеме најевтини по секоја цена, туку да понудиме најдобар сооднос цена–квалитет. MG ZS е голем колку Nissan Qashqai, но по цена на Nissan Juke, и дека сличен пристап може да се очекува и со MG 2.
Иако техничките детали сè уште се ограничени, Autocar пренесува дека новиот MG 2 ќе ја користи SCMS – модуларната и скалабилна EV платформа на SAIC, истата што ја користи и MG 4.
Дизајнерски, проектот е веќе напреднат. Според Алисoн, развиени се повеќе концепти, што сугерира дека прототипи и тест возила се блиску до старт на тестирање. Англискиот дизајнерски центар на MG во Лондон и инженерскиот центар во Лонгбриџ ќе имаат значајна улога во создавањето и адаптацијата на моделот специјално за европскиот пазар.
Зголемена побарувачка за мали електрични автомобили. Алисoн ја истакна и огромната важност на категоријата на мали EV модели:
„Renault 5 го потврди тоа – интересот е многу поголем отколку што многумина очекуваа. Европа преминува на електрика, а тоа мора да стане достапно за што поширока публика.“
Од MG откриваат и дека MG 2 би можел да биде клучен модел за пробив на пазарите каде електричните автомобили сè уште имаат низок удел – пример е Италија, каде учеството на EV е под 4%, па и на други змеји каде овој процент е уште понизок.
