Откако коронавирусот почна да излегува од контрола италијанските власти прогласија карантин во целата земја. Досега над 7.000 лица се заболени а над 460 се починати од овој вирус. Препораките се сите да останат дома, и ако немаат потреба да не излегуваат. Италијанските улици се речиси празни, а истото е и на автопатиштата.
На еден од најпрометните автопати Верона-Бреша, од Бергамо до Милано, во нормални услови тешко може опуштено да се вози. Тогаш има врвулица од возила кои престигнуваат, се „туркаат“ побрзо да минат. Сепак, сега ситуацијата е значително различна и сега на овој дел можат да се најдат само камиони и само неколку автомобили.
Возачот на камион кој потекнува од БиХ сними дел од она како изгледаат патиштата и објасни како е да се вози.
“Автомобили нема ниту за лекови, само камиони. Никогаш не сум го искусил ова а 15 години возам низ Италија. Може да ги пресметате автомобили на прстите”, изјави возачот.
Според него, сите компании каде што тој оди во Италија работат нормално, забранети се само поголеми собири.
