По 40 дена трагање како дел од прославата на 40 години од Ford Fiesta, во Македонија беше презентирана најстарата Fiesta кој ќе добие третман на разувавување.
Фиестата која беше избрана за настара е произведена во 1979 година, и зад себе има минато речиси 500.000 километри. Три генерации е во семејството Тодоровски, и се уште е во одлична возна состојба.
Времето си го прави своето, па најголемиот проблем го има со каросеријата, но автомобилот е „пали – вози“. По 40-те денови минати во сервис, истото возило повторно ќе биде претставено само сега целосно дотерано, и ќе остана во семејството Тодоровски.
„При оваа потрага запознавме многу наши верни клиенти од најразлична возраст, пол, професија и слично. Но, наша цел беше да ја најдеме токму најстарата Fiesta во Македонија и успеавме во тоа. На најстарата Fiesta засега не правевме никакви корекции за да ја задржиме нејзината автентичност. Од утре, овој автомобил, ќе влезе во нашиот сервис за лимарија и во механичкиот сервис и за околу 40 дена, ќе ја претставиме најстарата Fiesta во ново руво“, рече Дритон Заири, директорот на компанијата Ми-Да Гранд Моторс.
Во следниот период возилото ќе биде подложно на лимарско и механичко дотерување, со цел да се реставрира во што е можно подобра состојба.
Новата генерација Ford Fiesta веќе е најавена за следната година. Инаку и Македонија се вклучи во глобалното одбележување на јубилејот „40 години Ford Fiesta, преку организирање на кампањата „СЛАВИМЕ FEISTA“, која досега е продадена во околу 17 милиони примероци. Ова возило е најпродавано мало возило во Европа и еден од најпопуларните автомобили во светот.
