Од 8 јануари паркирањето на паркиралиштата во надлежност на Паркинзи на Општина Центар значително поскапува.
Во соопштението објавено на интернет страната на општината Центар се вели дека цените ќе се покачат за 20 денари и тоа на комерцијалните паркиралишта со кои стопанисува ЈП Паркинзи на Општина Центар.
Тоа значи дека цената за еден час во зоната 2 каде паркирањето е најевтино, ќе изнесува 50 денари додека најскапо ќе остане да биде во зоната 0 каде за еден час ќе треба да платите 120 денари.
“ЈП Паркинзи на Општина Центар апелира до сите граѓани кои не се жители на Општина Центар да ги остават своите автомобили и да го користат повеќе градскиот и алтернативниот превоз (велосипеди, електрични тротинети и т.н.) со кој значително ќе се реши сериозниот проблем со паркирањето во Општина Центар, како и проблемот со загадувањето на воздухот и животната средина.” стои меѓудругото во соопштението на Општината.
