Пораст на увозот на нови и половни автомобили е забележано во септември годинава, покажуваат официјалните податоци на Царинската управа на Македонија.
Во деветтиот месец од годината во Македонија се увезени 3.780 автомобили што е зголемување во однос на претходниот месец кога се увезени 3.244 автомобили, но и во споредба со септември минатата година кога се увезени 2.995 автомобили.
Во септември е забележан и пораст на увозот на нови автомобили при што се увезени 478 нови автомобили. Голем пораст е забележан и кај увозот на половни автомобили и тоа за 364 автомобили повеќе од август годинава.
Статистика на увезени возила (нови и половни) во 2019 година во Македонија
Значаен процентуален пораст е забележан и при увозот на половни товарни моторни возила и возила за превоз на патници (автобуси и минибуси).
